Kryetarja e Kuvendit të Republikës së Kosovës, Albulena Haxhiu, priti më 18 mars 2026 ambasadorin e Austrisë në Prishtinë, Georg Schnetzer.
Me rastin e humbjes tragjike të tre kosovarëve në vendin e punës në Vjenë, ambasadori Schnetzer shprehu ngushëllimet për familjet e viktimave, duke ndarë dhimbjen dhe shqetësimin e përbashkët për këtë ngjarje.
Gjatë takimit u bisedua për marrëdhëniet e mira ndërmjet Kosovës dhe Austrisë, si dhe për mundësitë e zgjerimit të bashkëpunimit ndërinstitucional dhe parlamentar.
Kryetarja Haxhiu shprehu mirënjohjen për mbështetjen e vazhdueshme të Austrisë ndaj Kosovës dhe theksoi rëndësinë e thellimit të mëtejshëm të partneritetit mes dy vendeve, sipas komunikatës për media të Kuvendit.