Ardian Gjini, kandidat për kryetar të Aleancës për Ardhmërinë e Kosovës (AAK), u deklarua mbi spekulimet për gjendjen shëndetësore të Ramush Haradinajt në emisionin Context të televizionit ATV.
Gjini tha se Haradinaj është në gjendje të rregullt shëndetësore dhe ngjiti të dielën majën e Gjeravicës në temperatura -20 gradë. “Kurrfarë problemesh shëndetësore nuk ka Ramushi, të dielën është ngjitur në Gjeravicë në -20, nuk ka probleme shëndetësore, janë spekulime. Përfekt është, kjo është krejt e vërteta”, u shpreh ai.
Gjini sqaroi se Haradinaj, ish-kryetari i AAK-së, nuk dha dorëheqje nga pozita e kryetarit, por nuk kandidoi sërish për këtë post.