Futbollisti i Kombëtares shqiptare, Armando Broja, ka shënuar një rënie të ndjeshme në vlerën e tij të tregut, sipas të dhënave të fundit nga Transfermarkt. Vlera e kartonit të tij është përcaktuar tashmë në 5 milionë euro, duke shënuar një ulje prej 3 milionë eurosh krahasuar me vlerësimin e mëparshëm prej 8 milionë eurosh.
Kjo rënie reflekton ecurinë e vështirë të lojtarit gjatë sezonit të fundit. Për krahasim, në tetor të vitit të shkuar, vlera e Brojës arrinte në 14 milionë euro. Një vlerësim nën shifrën e 5 milionë eurove nuk është regjistruar që nga viti 2021, periudhë gjatë së cilës ai ishte pjesë e klubit Vitesse dhe aktivizohej me akademinë e Chelsea-t.
Aktualisht, Armando Broja ka një kontratë të vlefshme me klubin e Burnley-t deri në vitin 2030. Megjithatë, për shkak të zhvillimeve të fundit dhe situatës së lojtarit, raportohet se ekziston mundësia e ndryshimit të ekipit gjatë dritares së merkatos në vijim.