Armando Broja pritet të jetë një nga emrat kryesorë në merkaton verore, me interes të fortë nga Parma dhe Udinese të Serie A.
Sulmuesi i Kombëtares shqiptare kaloi një sezon të vështirë te Burnley, ku në 23 paraqitje në Premier League shënoi vetëm një gol, më 20 dhjetor në barazimin 1-1 kundër Bournemouth. Klubi anglez ra nga kategoria dhe shkarkoi trajnerin Scott Parker, duke hapur mundësi për largimin e tij në huazim.
Sipas Tuttosport, Parma dhe Udinese e kanë vendosur emrin e Brojës në krye të listës së dëshirave. Këto klube shfaqën interes më herët dhe situata mund të favorizohet nëse lojtarë si Mateo Pellegrino dhe Keinan Davis largohen nga skuadrat e tyre.
Broja transferohet te Burnley verën e kaluar nga Chelsea për 23 milionë euro. Ai ka kontratë deri në 2030, me pagë vjetore 2.5 milionë euro. Kontrata përmban klauzolë që pas rënies nga Premier League lehtëson largimin e tij, qoftë në huazim, qoftë përfundimisht për shumë më të ulët.
Lojtari është i hapur për futbollin italian, ku nuk ka luajtur më parë. Përveç interesit italian, Fichajes spanjolle raporton se përfaqësuesit e tij e kanë propozuar te Barcelona.