Një rast i moszbatimit të urdhrave të personit zyrtar është shënuar mbrëmjen e 19 shtatorit 2026 në fshatin Prush të Gjakovës. Njësia policore ndaloi një automjet të markës Golf 7, në të cilin ndodheshin tre shtetas të huaj, përkatësisht një drejtues dhe dy pasagjerë.
Në momentin kur të dyshuarit kuptuan se automjeti do t’i nënshtrohej kontrollit, drejtuesi i mjetit është larguar me shpejtësi nga vendi i ndalimit. Gjatë këtij veprimi, dokumentacioni personal dhe telefonat e të dyshuarve kanë mbetur te efektivët e policisë.
Forcat e rendit kanë arritur më pas të lokalizojnë automjetin, i cili kishte pësuar vetaksident gjatë arratisjes së personave. Automjeti është sekuestruar nga organet ligjzbatuese si provë materiale. Tre të dyshuarit vijojnë të jenë në kërkim, ndërsa prokurori kujdestar është njoftuar për veprimet e mëtejshme hetimore. Rasti është iniciuar nga Policia e Kosovës si “Moszbatim i urdhrave të personit zyrtar”.