Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit Lavdërim Brahimi, 79 vjeç, dhe Pranvera Brahimi, 73 vjeçe, bashkëshortë dhe banues në Sarandë.
Sipas njoftimit të policisë, dyshohet se për motive të dobëta ata kanë dëmtuar me mjet prerës (thikë) në pjesën e dorës një shtetas të mitur. Gjithashtu, bashkëshortët nuk iu bindën urdhrit të punonjësve të policisë për shoqërim.
Në kuadër të këtij rasti, policia ka nisur procedim penal ndaj Erjon Brahimit, 39 vjeç, djalit të çiftit, i cili dyshohet se ka kanosur të miturin me mjet prerës.
Materialet procedurale i janë kaluar Prokurorisë për veprime të mëtejshme ligjore.