Mbrëmjen e 28 janarit 2026, në lagjen nr. 4 të Sarandës, një konflikt mes Enea Qorri dhe 27-vjeçarit Arnest Gjoncaj, banues në fshatin Gjashtë, ka degjeneruar në përdorim thike, duke lënë të dy të plagosur.
Sipas të dhënave paraprake nga policia, Arnest Gjoncaj u godit me thikë pas shpine. Për shkak të gjendjes së rëndë shëndetësore, ai u nis me urgjencë drejt Tiranës për trajtim të specializuar mjekësor.
Nga përplasja ka mbetur i plagosur edhe Enea Qorri, i cili sipas policisë rezulton me precedentë penalë.
Policia e Sarandës ka nisur hetimet për zbardhjen e rrethanave të ngjarjes dhe po punon për dokumentimin e plotë ligjor të saj.
Përditësime
Policia arrestoi M.H. (24 vjeç) dhe Xh.S. (27 vjeç) në lidhje me sulmin në lagjen "Baba Rexhep" në Sarandë.
Autoritetet shpallën në kërkim Florian Gjoncaj (F.Gj.).
Sulmuesit hynë në banesën e të dëmtuarve dhe i sulmuan me shkopinj dhe thika E.Q., B.Q. dhe A.Q..
Të dëmtuarit janë jashtë rrezikut për jetën.
Materialet u referuan Prokurorisë për veprën "Plagë të rënda me dashje në bashkëpunim".