Operacioni antiterror është zhvilluar pas hetimeve lidhur me disa akte të dhunshme kundër infrastrukturës kritike në territorin italian. Sipas prokurorisë, të arrestuarit dyshohet se janë të lidhur me qarqe anarkiste që kanë shprehur kundërshti ndaj kushteve të burgimit të anarkistit italian Alfredo Cospito.
Hetuesit njoftojnë se aktiviteti kriminal i grupit, konkretisht sabotimi i hekurudhës që lidh Romën me Firencen katër muaj më parë, ishte ndërmarrë si formë proteste. Ky akt ndërlidhej gjithashtu me zhvillimin e Lojërave Olimpike Dimërore Milano-Kortina 2026. Përveç dëmeve materiale të vlerësuara në 455,000 euro, veprimet e tyre kanë shkaktuar shqetësim për sigurinë publike. Personat e ndaluar kanë operuar në disa qendra të mëdha urbane, ndërsa autoritetet vazhdojnë hetimet për të zbardhur në detaje shtrirjen e këtij rrjeti.