Në Gjirokastër, një punëtor 55-vjeçar u plagos më 3 mars 2026, rreth orës 13:30, në lagjen Zinxhira, gjatë punimeve për pastrimin e një objekti. Ai ra aksidentalisht nga kati i dytë dhe ndodhet në kujdesin mjekësor.
Specialistët e Hetimit të Krimeve në Komisariatin e Policisë Gjirokastër arrestuan në flagrancë tre përgjegjës të Sektorit të Mirëmbajtjes në Drejtorinë e Shërbimeve Komunitare: P. Ç., 46 vjeç, A. B., 61 vjeç, dhe A. L., 58 vjeç. Të tre dyshohen për veprën penale "Shkelja e rregullave të mbrojtjes në punë".
Ndërkohë, drejtori i Drejtorisë së Shërbimeve Komunitare, A. O., 54 vjeç, u shpall në kërkim për veprën penale "Shpërdorimi i detyrës", pasi nuk u paraqit për të dhënë shpjegime dhe për të vënë në dispozicion dokumentacionin e nevojshëm. Në lidhje me rastin u njoftua Inspektorati i Punës.
Arrestim për kontrabandë në Kapshticë
Në pikën kufitare Kapshticë, shërbimet e Drejtoria Vendore për Kufirin dhe Migracionin Korçë arrestuan në flagrancë 54-vjeçarin A. I., banues në Korçë, për veprën penale "Kontrabanda me mallra të licencuara". Gjatë kontrollit në vijën e dytë të automjetit të tij, në hyrje nga Greqia, u gjetën medikamente të ndryshme mjekësore dhe një sasi veshjesh pa dokumentacion.
Mallrat dhe automjeti u sekuestruan si provë materiale. Materialet iu referuan Prokurorisë së Korçës për hetime të mëtejshme.
Vijon puna për dokumentimin e plotë të ngjarjeve.