Në orët e para të mëngjesit të datës 19 shkurt 2026, në Stacionin Policor Mitrovicë Jugu janë raportuar dy raste të thyerjeve të lokaleve në lokacione të ndryshme të qytetit të Mitrovicës.
Njësitë policore kompetente reaguan menjëherë dhe, pas disa orësh veprimesh intensive operative e hetimore, identifikuan tre persona të dyshuar. Gjatë kontrollit ndaj tyre janë gjetur dhe sekuestruar gjësendet e vjedhura nga lokalet e thyera.
Tre të dyshuarit, njëri prej të cilëve i moshës së mitur, u arrestuan dhe u shoqëruan në stacionin policor. Pas procedurave të intervistimit dhe të tjera të nevojshme, u iniciua rasti penal për veprën penale vjedhje e rëndë.
Me vendim të prokurorit të rastit, të dyshuarve u caktua masa e ndalimit policor prej 48 orësh.