Shërbimet e Komisariatit të Policisë Elbasan kanë finalizuar operacionin e koduar “Indicia”, i ndërmarrë për identifikimin dhe ndalimin e personave që posedojnë armë zjarri pa leje dhe që përbëjnë rrezik për përfshirje në ngjarje kriminale. Si rezultat i këtij operacioni, u arrestua shtetasi 21-vjeçar me iniciale J. S., banues në Elbasan.
I riu u ndalua nga efektivët e policisë në afërsi të parkut “Aqif Pasha”, pasi disponohej informacion se ai lëvizte i armatosur. Gjatë kontrollit fizik të ushtruar në çantën e tij (marsup), policia gjeti dhe sekuestroi një armë zjarri pistoletë, së bashku me krehrin dhe disa fishekë, të cilët posedoheshin pa lejen përkatëse.
Materialet procedurale në lidhje me këtë rast janë referuar për hetime të mëtejshme pranë Prokurorisë pranë Gjykatës së Shkallës së Parë të Juridiksionit të Përgjithshëm Elbasan.
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
Përditësime
Policia e Elbasanit konfirmoi identitetin e plotë të 21-vjeçarit të arrestuar gjatë operacionit “Indicia”. I riu i ndaluar për armëmbajtje pa leje është shtetasi Jurgest Selami.