Policia e Tiranës ka arrestuar 22-vjeçarin Erisjaldo Gjuta, i shpallur në kërkim ditën e djeshme. Ngjarja lidhet me vetëplagosjen e 18-vjeçares, të dashurës së tij, në një dhomë hoteli në Tiranë, në pronësi të familjes së Gjutës.
Gjuta akuzohet për veprat penale "Moskallëzim i krimit", "Veprime që pengojnë zbulimin e të vërtetës" (kryer në bashkëpunim) dhe "Mbajtja pa leje e armëve shpërthyese dhe municionit".
Specialistët për Hetimin e Krimeve kundër Jetës dhe Pronës, në bashkëpunim me Komisariatin e Policisë Nr. 1, e kapën dhe e ndaluan Gjutat. Kjo bëhet e ditur nga njoftimi zyrtar i policisë.
Përditësime
- Erisjaldo Gjuta është nipi i Vladimir Gjutës, sipas Gazeta Tema dhe Mapo.
- Ngjarja ndodhi në zonën Sauk të Tiranës, sipas Mapo.
Policia e Tiranës ka arrestuar Mirvete Gjutën (nënën) dhe Vladimir Gjutën (xhaxhain) për prishje provash dhe deklaratë të rremë.
Ka vënë në kërkim Saimir Gjutën (babanë) dhe Elvir Gjutën (kushëririn).
Sipas deklaratës së Mirvete Gjutës, ajo dhe bashkëshorti ishin jashtë, dëgjuan të shtënën dhe e gjetën 18-vjeçaren të plagosur te Rrethi i Ekonomikut.
Pistoleta ende nuk është gjetur.
18-vjeçarja është jashtë rrezikut për jetën dhe ka deklaruar se tentoi vetëvrasje për "gabime në jetë".