Ngjarja ka ndodhur mbrëmjen e së hënës në hyrjen e një parkimi pallati në rrugën “Frosina Plaku”. Konflikti, i cili raportohet të ketë nisur për motive të dobëta në lidhje me një vend parkimi, degjeneroi në përleshje fizike me sende të forta dhe përdorimin e një mjeti prerës.
Seksioni për Hetimin e Krimeve të Rënda pranë Komisariatit të Policisë Nr. 2 ka dokumentuar ngjarjen dhe ka arrestuar në flagrancë Luçiano Nurçjan, Albert Likën dhe Enea Kurtin. Ata akuzohen për veprën penale të "Plagosjes së rëndë me dashje". Njëkohësisht, policia ka proceduar në gjendje të lirë 33-vjeçarin A. I., i cili ndodhet në spital nën kujdesin e mjekëve.
Autoritetet janë në kërkim të 17-vjeçarit E. L., i cili akuzohet për "Plagosje të rëndë me dashje" në bashkëpunim dhe "Prodhim, mbajtje, blerje apo shitje pa leje e armëve të ftohta". Materialet procedurale i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë për hetime të mëtejshme.