Sot, më 30 korrik 2026, rreth orës 11:00, njësitet e Policsë së Kosovës kanë zhvilluar një operacion në fshatin Dromjak të Hanit të Elezit, ku kanë lokalizuar dhe arrestuar një 23-vjeçar me inicialet F.C.
I riu ishte në kërkim nga drejtësia për shkak të tri urdhërarresteve aktive, të lëshuara nga Gjykata Themelore në Ferizaj – Dega në Kaçanik. Arrestimi është kryer në shtëpinë e të dyshuarit, pas përfundimit të procedurave operacionale policore.
Sipas njoftimit zyrtar, i arrestuari ishte shpallur fajtor për tri vepra penale, konkretisht për dy raste të veprës "Vjedhja e pyllit" dhe një rast të veprës "Vjedhje e rëndë". Për këto vepra, gjykata kishte shqiptuar dënime prej 25 ditësh, 30 ditësh dhe 50 ditësh burgim, që në total përbëjnë një dënim prej 105 ditësh burgim.
Pas përfundimit të të gjitha procedurave të nevojshme policore, i riu është transferuar në Institucionin Korrektues për të vuajtur dënimin e caktuar me vendim gjykate.