Policia e Durrësit njofton se ka arrestuar shtetasin F. B., 23 vjeç, i cili dyshohet se ka tentuar të vrasë me armë zjarri shtetasin F. K. në ambientet e një lokali në lagjen nr. 9 të Durrësit.
Arrestimi u realizua në Kamëz, si rezultat i bashkëpunimit ndërmjet specialistëve të Seksionit për Hetimin e Krimeve ndaj Personit të Drejtorisë Vendore të Policisë Durrës dhe shërbimeve të Komisariatit të Policisë Kamëz, në kuadër të operacionit të koduar Akuza.
Ngjarja dyshohet se ka ndodhur më 15 dhjetor 2025, kur F. B., së bashku me tre persona të tjerë, tentoi vrasjen e F. K.. Gjykata e Durrësit në mars 2026 i kishte caktuar atij masën e sigurisë arrest në burg për veprën penale vrasja me paramendim, mbetur në tentativë dhe e kryer në bashkëpunim.
Materialet procedurale i janë referuar Prokurorisë së Durrësit. Autoritetet po vijojnë hetimet për identifikimin dhe kapjen e bashkëpunëtorëve të tjerë të përfshirë.
Përditësime
Florian Brahja u identifikua si 23-vjeçari i arrestuar për tentativë vrasjeje në një lokal në Durrës, konfirmoi Policia e Shtetit.