Policia e Tiranës ka arrestuar shtetasin Klodian Mustafa, 25 vjeç, në kuadër të operacionit “Next”. Arrestimi u krye në rrugën “Myslym Keta” nga specialistët e Hetimit të Krimeve të Komisariatit të Policisë Nr. 4.
Gjatë kontrollit të automjetit që drejtonte i arrestuari, policia gjeti dhe sekuestroi dy armë zjarri automatike me municionin përkatës. Sipas të dhënave të policisë, armët ishin marrë në qytetin e Sarandës me qëllim shitjen.
Dyshohet se armët do të shiteshin në zonën e Freskut dhe Tufinës për afro 800 euro secila. Materialet procedurale iu referuan Prokurorisë për hetime të mëtejshme.
Klodian Mustafa njihet edhe si instrumentist me klarinetë.