Pas një konflikti për motive të dobëta, një 34-vjeçar është vënë në pranga nga shërbimet e Komisariatit të Policisë Kurbin. Ngjarja është regjistruar mbrëmjen e 22 gushtit 2026, rreth orës 20:00, në fshatin Adriatik. Sipas njoftimit zyrtar, i arrestuari, i identifikuar nga disa media si Napolon Nikolli, dyshohet se ka kanosur me armë zjarri shtetasit N. N., 72 vjeç, si dhe dy djemtë e tij, M. N., 43 vjeç, dhe A. N., 50 vjeç. Përveç kanosjes, i dyshuari akuzohet edhe për goditjen me grushte të 50-vjeçarit.
Policia organizoi operacionin policor të koduar "Reagimi" për zbardhjen e rrethanave dhe kapjen e autorit. Gjatë kontrollit të ushtruar në banesën e të arrestuarit, shërbimet e policisë gjetën dhe sekuestruan në cilësinë e provës materiale një armë zjarri pistoletë, e cila dyshohet se është përdorur në këtë ngjarje, si dhe 2 krehra dhe municion luftarak. Materialet procedurale i janë referuar Prokurorisë për veprime të mëtejshme. I arrestuari akuzohet për veprat penale "Mbajtja pa leje dhe prodhimi i armëve, armëve shpërthyese dhe i municionit", "Kanosja" dhe "Dëmtime të tjera me dashje".