Shërbimet e Komisariatit të Policisë Kurbin finalizuan operacionin e koduar “Alias”, në vijim të punës operative për identifikimin e personave që mbajnë armë pa leje.
Gjatë operacionit u arrestua në flagrancë shtetasi A. K. alias A. Ll., 42 vjeç, banues në Mamurras.
Në ambientet e hotelit ku qëndronte në Mamurras, u gjet një armë zjarri tip pistoletë me krehër dhe fishekë. Gjatë kontrollit fizik, këtij shtetasi iu gjet një sasi lënde narkotike kokainë.
U sekuestruan arma e zjarrit me krehër dhe fishekë, sasia e kokainës si dhe 2 celularë.
Materialet procedurale iu referuan Prokurorisë së Lezhës, për veprime të mëtejshme.
Përditësime
Andi Krasniqi (alias Andi Lleshi) u identifikua si 42-vjeçari i arrestuar në Mamurras me pistoletë dhe kokainë, sipas Policisë së Shtetit.