Policia e Lezhës ka arrestuar shtetasin D. V., 34 vjeç, banues në fshatin Tresh, si bashkautor i prodhimit të 92 kg lëndë narkotike Cannabis sativa në fshatin Gjonbardhaj, Kashnjet, në tetor të vitit 2024.
Ngjarja lidhet me operacionin antidrogë të koduar "Furia", të zhvilluar në vitin 2024. Sipas veprimeve hetimore, D. V. ka bashkëpunuar me shtetasin Gj. M., i cili u arrestua gjatë këtij operacioni. Lënda narkotike u gjet në një stallë në fshatin Gjonbardhaj.
Arrestimi erdhi si rezultat i një hetimi proaktiv dyvjeçar, të kryer nga specialistët për Hetimin e Narkotikëve, në koordinim me Prokurorinë dhe me mbështetjen e Forcës së Posaçme "Shqiponja".
Gjatë kontrollit në banesën e të ndaluarit, policia gjeti tre mjete prerëse (thika), të cilat i posedonte pa leje.
Materialet procedurale iu referuan Prokurorisë së Lezhës për veprime të mëtejshme.