Operacioni policor u zhvillua nga Seksioni për Hetimin e Narkotikëve, në bashkëpunim me Komisariatin e Policisë Rinas dhe Autoritetet Doganore. Lënda narkotike u zbulua e fshehur brenda dy valixheve gjatë kontrollit në aeroport. Sipas njoftimit zyrtar, droga ishte e paketuar në formë xhelatine dhe dyshohet se kishte si destinacion tregun shqiptar.
Në pranga ra shtetasi Kristian Gjoni, 34 vjeç, i cili akuzohet për trafikim ndërkombëtar të lëndëve narkotike. Për të njëjtën çështje, autoritetet kanë nisur procedimin penal në gjendje të lirë për dy shtetase: A. Gj. (31 vjeçe) dhe L. Sh. (40 vjeçe).
Policia po vijon hetimet me metoda speciale për të identifikuar persona të tjerë të përfshirë në këtë veprimtari kriminale. Materialet procedurale i janë përcjellë Prokurorisë për veprime të mëtejshme.
Sqarim: Çdo person prezumohet i pafajshëm deri në një vendim gjyqësor të formës së prerë.