Shërbimet e Seksionit për Hetimin e Narkotikëve të DVP Tiranë finalizuan operacionin e koduar "Klienti" në një lokal në Fushë-Krujë.
Gjatë ndërhyrjes në lokalin e shtetasit Admirand Stafuka, policia lokalizoi Andi Xhafa, 36 vjeç, banues në Fushë-Krujë. Gjatë kontrollit në çantën e tij, u gjet një armë zjarri pistoletë me krehër dhe municion luftarak.
Si rezultat, Andi Xhafa u arrestua në flagrancë për armëmbajtje pa leje, ndërsa ndaj Admirand Stafuka, 41 vjeç, nisi procedimi penal për moskallëzim krimi.
Arma u sekuestrua, ndërsa materialet i kaluan Prokurorisë për veprime të mëtejshme.
Operacioni u bazua në informacione operative për goditjen e paligjshmërive.