Një shtetas shqiptar 37-vjeçar u arrestua në Bergamo të Italisë pas pesë muajsh arratisjeje për një grabitje të dështuar në shtëpinë e një 85-vjeçari. Ngjarja ndodhi në tetor 2025 në Arzago d’Adda, ku ai dhe një bashkëpunëtor u kapën në flagrancë teksa tentonin të hapnin derën e banesë së të moshuarit.
Me mbërritjen e karabinierëve, situata degjeneroi në përplasje të dhunshme. Të dyshuarit përdorën sprej irritues dhe mjete të forta për të goditur efektivët. Një karabinier përfundoi në spital me nofull të thyer, traumë në kokë dhe dëmtime që kërkuan 30 ditë mjekim.
Bashkëpunëtori u arrestua në vendngjarje, ndërsa 37-vjeçari arriti të arratiset. Pas hetimesh intensive dhe analizimit të kamerave të sigurisë, policia e lokalizoi në banesën e tij. Gjatë kontrollit iu gjetën bizhuteri ari dhe një armë elektrike e mbajtur në mënyrë të paligjshme.
I njohur për precedentë penalë dhe nën një masë alternative, ai u dërgua në burgun San Vittore. Ndaj tij janë shtuar akuza të tjera penale.
Përditësime
37-vjeçari shqiptar, banues në Milano, u arratis për 6 muaj pas grabitjes së dështuar në Bergamo.
Ai sulmoi dy karabinierë jashtë detyrës, të shoqëruar nga familjet e tyre, duke përdorur një taser.
Prokuroria Publike e Milanos e ka njoftuar për sendet e gjetura.