Policia e Lushnjës arrestoi një 39-vjeçar pasi dyshohet se ka djegur automjetin e shtetasit D. V. në fshatin Pluk, pranë banesës së tij.
Menjëherë pas kallëzimit, shërbimet e Komisariatit të Policisë Lushnjë organizuan veprime operacionale dhe hetimore për të identifikuar autorësinë dhe rrethanat.
Si rezultat, u arrestua autori i dyshuar, shtetasi M. B., 39 vjeç, banues në të njëjtin fshat dhe me precedent penal. Gjithashtu, u identifikua porositësi i dyshuar, shtetasi A. Z., 28 vjeç, i cili ka konflikte për motive pronësie me xhaxhanë e D. V..
A. Z. është shpallur në kërkim, ndërsa policia vijon punën për kapjen e tij. Sipas një burimi, ai quhet Mario Biti, ndërsa porositësi Andi Zaimi, por hetimet përdorin inicialet kryesore.
Materialet procedurale iu referuan Prokurorisë së Fierit për veprime të mëtejshme.