Policia e Tiranës ka arrestuar 40-vjeçarin Eledion Marku nga Tirana, i cili mëngjesin e së dielës, 10 maj, përplasi makinën te shkallët hyrëse të Kryeministrisë dhe më pas goditi me këmbë derën e institucionit.
Ndaj tij janë ngritur akuzat për veprat penale heqja e paligjshme e lirisë, shkatërrimi i pronës, prishja e qetësisë publike dhe shkelja e rregullave të qarkullimit rrugor.
Sipas burimeve policore, Marku dyshohet se vuan nga çrregullime të shëndetit mendor, pasi gjatë deklaratave nuk ka dhënë motive të qarta për incidentin. Automjeti ishte marrë nga një mik i tij.
Ngjarja ndodhi në orët e hershme të mëngjesit pranë godinës qeveritare në Tiranë.