Shërbimet e Komisariatit të Policisë Nr. 4 në Tiranë arrestuan 50-vjeçarin Agim Visha, banues në Tiranë, pasi dyshohet se tentoi të vrasë 38-vjeçarin I. D. me armë zjarri. Ngjarja ndodhi pasditen e 7 prillit 2026, në ambientet e jashtme të një lokali në rrugën Myslym Keta.
Konflikti shpërtheu për motive të dobëta. Agim Visha përdori një pistoletë me mulli, që e mbante pa leje, dhe tentoi të largohet pas veprimit, por u kap menjëherë nga policia.
Ndërhyrja u zhvillua në kuadër të operacionit të koduar Responde. Policia parandaloi përshkallëzimin e situatës pas njoftimit për konflikt me armë zjarri.
Gjatë kontrollit u sekuestrua arma e zjarrit bashkë me municionin. Materialet procedurale i kaluan Prokurorisë për veprime të mëtejshme, ndërsa hetimet vazhdojnë për zbardhjen e rrethanave.
Përditësime
Agim Visha deklaroi se e pa rastësisht 38-vjeçarin I.D. në një lokal dhe i kërkoi një borxh prej 100 euro.
Konflikti filloi verbalisht: I.D. e goditi me shpullë Vishën, i cili nxori armën dhe e kërcënoi.
Visha ka precedent penal.