Specialistët për Hetimin e Krimeve pranë Komisariatit të Policisë Lushnjë arrestuan shtetasin I. K., 57 vjeç, banues në fshatin Lumth. Arrestimi u krye pasi 57-vjeçari, duke djegur mbeturina në tokën e tij, shkaktoi një zjarr që doli jashtë kontrollit dhe u përhap në pronën e fqinjit, shtetasit A. A.
Si pasojë e flakëve, u shkaktuan dëme të konsiderueshme materiale në pronën e shtetasit A. A., ku u dogjën një mjet bujqësor (zetor), një rimorkio dhe baza ushqimore për blegtorinë. Pronari i prekur, gjatë përpjekjeve për të shuar zjarrin në pronën e tij, pësoi djegie. Ai ndodhet në Spitalin e Lushnjës, nën kujdesin e mjekëve dhe jashtë rrezikut për jetën.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprën penale “Shkatërrimi i pronës me zjarr”.
Drejtoria Vendore e Policisë Fier u ka bërë apel qytetarëve që të mos ndezin zjarre, pasi kjo veprimtari përbën shkelje të ligjit. Policia fton qytetarët që të denoncojnë çdo rast zjarrvënieje në numrin 112, duke garantuar anonimatin dhe reagim të menjëhershëm.
Përditësime
Policia e Shtetit ka arrestuar 57-vjeçarin Ilirjan Kola, i dyshuar për shkaktimin e një zjarri në Lushnjë një ditë para ndalimit të tij.
Policia ka arrestuar 57-vjeçarin Ilirjan Kola në Lushnjë, pasi akuzohet për shkaktimin e një zjarri një ditë para ndalimit të tij.