Specialistët për Hetimin e Krimeve të Komisariatit të Policisë Lushnjë arrestuan shtetasin Th.K., 67 vjeç, banues në Lushnjë, pasi dyshohet se ka ngacmuar seksualisht një 16-vjeçare.
Materialet procedurale iu referuan Prokurorisë së Fierit, për veprime të mëtejshme.
Drejtoria Vendore e Policisë Fier njoftoi gjithashtu për ngjarje të tjera penale në zonë:
- Specialistët e Qarkullimit Rrugor referuan materialet në Prokurori për shtetasin B.V., 68 vjeç, banues në fshatin Greshicë të Mallakastrës, pasi ka përplasur shtetasin F.Ç., 55 vjeç, këmbësor. I lënduari po merr ndihmë mjekësore dhe është jashtë rrezikut për jetën.
- Specialistët për Hetimin e Krimeve të Komisariatit të Policisë Fier referuan materialet për shtetasin J.M., 39 vjeç, pasi u konstatua duke kryer punime ndërtimi pa leje.
- Specialistët e Komisariatit të Policisë Divjakë referuan materialet për një 14-vjeçar, pasi dyshohet se ka vjedhur sende në një banesë.