Policia e Tiranës finalizoi më 31 janar 2026 operacionin „Agjentët e rremë”, duke arrestuar bashkëjetuesit Elvis Ramca, 39 vjeç, dhe Veriana Ziu, 34 vjeçe. Hetimet nisën pas kallëzimeve të qytetarëve që kishin dhënë shuma të mëdha parash për blerje apartamentesh, pa marrë pronat e kërkuara.
Çifti u premtoi qytetarëve blerjen e apartamenteve, përvetësoi paratë dhe falsifikoi mandate banke për t’i bindur se shumat ishin depozituar. Dokumentet e falsifikuara i paraqitën edhe shoqërive ndërtimore për lidhje kontratash fiktive shitblerjeje.
Janë dokumentuar dy raste mashtrimi për dy apartamente me vlerë nga 150 mijë euro secili, rreth 300 mijë euro në total. Hetuesit dyshojnë për viktima të tjera dhe vijojnë zbardhjen e tyre.
Operacionin e kryen specialistët për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme Operacionale dhe Forcën e Posaçme „Shqiponja”. Të arrestuarit paraqiteshin si agjentë imobiliarë.
Historiku i Veriana Ziu
Veriana Ziu kishte arrestim të mëparshëm në 2023 për mashtrim ndaj një qytetari në Fier. Ajo premtoi leje punësimi në Gjermani dhe mori 800 euro.
Materialet iu referuan Prokurorisë së Tiranës për veprime të mëtejshme.