Policia e Durrësit ka arrestuar në flagrancë Elton Varaku, 41-vjeçarin me banim në Shijak, ish-drejtori i Autoritetit Kombëtar të Ushqimit (AKU) në Durrës. Ngjarja ndodhi më 1 mars 2026 në ambientet e këtij institucioni.
Sipas njoftimit të Drejtorisë Vendore të Policisë Durrës, Specialistët për Hetimin e Krimeve të Komisariatit të Policisë Durrës ndërhynë pas një incidenti ku Varaku dyshohet se shkatërroi objekte të ndryshme pune dhe përdori gjuhë kërcënuese dhe fyese ndaj punonjësve të institucionit.
Pas ngjarjes, ai është shkarkuar nga detyra. Situata brenda AKU-së u tensionua, duke krijuar pasiguri te stafi.
Autoritetet policore po vazhdojnë hetimet për zbardhjen e plotë të rrethanave dhe përcaktimin e përgjegjësive ligjore. Materialet procedurale i kaluan Prokurorisë për veprime të mëtejshme.
Përditësime
Elton Varaku vuante nga probleme të shëndetit mendor, sipas autoriteteve. Jashtë punës, ai kryente veprime të pakontrolluara, si përzënia e maceve në lagje me shkop.
Gjykata e Durrësit vendosi masën e arrestit në burg për ish-drektorin e AKU-së Durrës, Elton Varaku, duke konfirmuar arrestin në flagrancë. Seancën e kryesoi gjyqtari Rexhep Bekteshi, në prani të prokurorit Arjan Xhaferraj.
- Varaku kërkoi falje gjatë seancës, që avokati e cilësoi si «reagim të çastit».
- Incidenti ndodhi pas urdhërit për pezullim nga detyra: shkatërroi kompjuterë dhe pajisje në laboratorin e AKU-së në Shkozet.
- Akuzat: shkatërrim prone dhe kanosje.
- 9 ditë para arrestit, policia gjeti armë të ftohta (thika, hanxharë, sëpatë) në makinën e tij, çuar në pezullim.
- Varaku do t'i nënshtrohet vizitës mjekoligjore me psikiater për çrregullime mendore.