Një 35-vjeçar me iniciale J. N., banues në Tiranë, u arrestua në flagrancë nga Policia e Tiranës për vjedhje të shuma parash në subjektin ku punonte si kamarier. Ngjarja ndodhi në një lokal të Tiranës dhe u denoncua nga menaxheri i subjektit pas konstatimit të mungesës së parave.
Sipas njoftimit zyrtar të policisë, specialistët për Hetimin e Krimeve të Komisariatit të Policisë Nr. 4 organizuan menjëherë veprimet hetimore pas kallëzimit të menaxherit. Duke analizuar pamjet filmike të sigurisë dhe duke kryer kontroll fizik ndaj të dyshuarit, policia identifikoi autorin dhe sekuestroi një pjesë të shumasë së vjedhur në cilësinë e provës materiale.
Hetimet treguan se vjedhja u krye gjatë ditës së djeshme. Materialet procedurale iu referuan Prokurorisë për veprime të mëtejshme ligjore. Policia thekson se ky arrestim vjen në vijim të punës për parandalimin dhe goditjen e krimeve kundër pronës.