Këngëtari Besart Kelmendi, i njohur me emrin artistik Gjesti, u arrestua të mërkurën në Prishtinë nën dyshimin për veprën penale të armëmbajtjes pa leje.
Ngjarja ndodhi rreth orës 15:00 në rrugën "Mehmet Isahi" në kryeqytet. Pas arrestimit, i dyshuari u shoqërua për intervistim.
Zëdhënësi i Policisë për rajonin e Prishtinës, Enis Pllana, njoftoi se ndaj Kelmendit u caktua masa e ndalimit prej 48 orësh, në koordinim me Prokurorin e Shtetit.
Ai shpjegoi: «Sot, rreth orës 15:00, në rrugën "Mehmet Isahi" në Prishtinë, Policia ka arrestuar një person të dyshuar për armëmbajtje pa leje. I dyshuari është intervistuar dhe, në koordinim me Prokurorin e Shtetit, është dërguar në mbajtje për 48 orë».
Përditësime
- Gjesti, reper nga Peja, dyshohet se është përfshirë në një sherr me armë zjarri në Prishtinë