Irfan Azizi, i njohur si "Fania i Beratit" dhe ish ushtari i Talo Çelës, është arrestuar në Angli për thyerje të lirisë me kusht gjatë procesit të ekstradimit drejt Shqipërisë. Arrestimi ndodhi më 26 prill 2026 në zonën Somerset, sipas një dokumenti të Westminster Magistrate Court, të parë nga Top Channel dhe gazetari Muhamed Veliu.
Ai u arrestua nga një oficer policie pasi nuk u paraqit për të firmosur në stacionin e policisë Taunton çdo të martë dhe të enjte, si kusht i lirisë së dhënë nga gjykata.
Autoritetet shqiptare e kërkojnë Azizin për të vuajtur një dënim 1 vit burg, pasi në paraburgim u zbulua se përdorte një telefon celular.
Pretendimet e Azirit për ekstradim
Disa javë më parë, siç raportonte Daily Mail Online, Azizi tentoi të bllokonte ekstradimin duke pretenduar se jeta e tij rrezikohet nga një atentat i dytë i organizuar nga Talo Çela. Në gjyq, ai deklaroi se nëse kthehet në Shqipëri, do të vritet.
Sipas dëshmisë së tij, në vitin 2020 i shpëtoi një atentati ku u qëllua rreth 30 herë me armë automatike. "Një plumb më shkatërroi dorën në 13 vende", tha ai para gjykatës britanike. Azizi pretendon se grupi kriminal ka lidhje të forta, kryen vrasje pa paralajmërim dhe është i aftë të veprojë ndaj figurash të larta.
Gjatë seancës, ai pranoi se kishte paguar për të mbyllur çështje gjyqësore në Shqipëri dhe nuk dëshiron kthimin për rrezikun ndaj jetës së tij dhe familjes.
Reagimi i prokurorisë britanike
Prokuroria britanike vuri në dyshim pretendimet, duke theksuar se gjatë 5 viteve në Angli nuk ka pasur kërcënime konkrete ndaj Azirit apo familjes së tij.