Irfan Azizi, i njohur me nofkën Fania, ka kërkuar azil në Britaninë e Madhe për të shmangur ekstradimin në Shqipëri. Në Gjykatën e Magjistraturës në Westminster, ai pretendon se jeta e tij rrezikohet nga grupe kriminale, duke përmendur Talo Çelën, Dorian Shkozën dhe Altin Kamanin si pjesë të këtij grupi.
Azizi deklaroi se grupi do ta vrasë nëse kthehet, pasi atentatorët e mëparshëm do të përfundojnë punën. Ai rrëfeu se i shpëtoi një atentati më 29 nëntor 2020 në Poshnjë të Beratit, ku u qëllua rreth 30 herë, por arma u bllokua. Sipas tij, ky grup kryen atentate ndaj gjyqtarësh, prokurorësh dhe politikanësh.
Në dëshminë e tij, Azizi pretendoi se anëtarët e grupit Çopja kanë kryer vrasje me urdhër të kryeministrit dhe ministrin e Brendshëm, duke thënë se posedon prova. Ai pranoi se ka paguar një gjyqtar shqiptar për të mbyllur një çështje dhe sugjeroi se nuk është më i kërkuar.
Autoritetet shqiptare kërkojnë ekstradimin e tij për të vuajtur një dënim njëvjeçar burgu, të dhënë në mungesë për posedim telefoni celular gjatë paraburgimit. Azizi dhe bashkëshortja e tij janë strehuar më parë në një hotel të financuar nga taksapaguesit britanikë. Në prill 2025, ai u dënua në Britani me gjysmë viti burg për përdorim patente gjermane false.
Çështja pritet të vendoset nga drejtësia britanike, e cila do të vlerësojë pretendimet për rrezik jetën dhe kërkesën për ekstradim.