E. Gj., 29 vjeç, banues në Elbasan, u lokalizua dhe arrestua sot në rrugën “17 Marsi” në Elbasan nga shërbimet e Forcës së Posaçme Operacionale të Drejtorisë Vendore të Policisë Elbasan.
Ai ishte shpallur në kërkim nga Komisariati i Policisë Nr. 1 Tiranë, pasi Gjykata e Apelit e Juridiksionit të Përgjithshëm Tiranë e kishte dënuar në mungesë më 14 tetor 2025 me 1 vit e 8 muaj burgim për veprën penale “vjedhja”.
Arrestimi u bë në kuadër të kontrolleve të vazhdueshme dhe bashkëpunimit me Drejtorinë Vendore të Policisë Tiranë për shkëmbim informacionesh mbi personat në kërkim.
Pas prangosjes, i arrestuari do t’i dorëzohet Drejtorisë Vendore të Policisë Tiranë për vijimin e veprimeve procedurale.