Policia e Tiranës ka finalizuar operacionin "Eksponenti" dhe ka arrestuar 28-vjeçarin Elton Halili (E. H.) në kryeqytet. Ngjarja nisi pas kallëzimit të një mjeku, i cili u dhunua në rrugë për shkak të detyrës nga ky shtetas.
Nga verifikimet rezultoi se Halili kishte thyer masën e sigurisë "arrest në shtëpi", të vendosur për veprën penale "dhuna në familje". Ai dyshohet gjithashtu si autor i këtyre veprimtarive kriminale gjatë muajit shkurt 2026:
- Kanosje ndaj shtetasit D. D. më 1 shkurt 2026, në banesën e këtij të fundit.
- Vjedhje në një banesë në Yzberisht më 8 shkurt 2026.
- Dy vjedhje në kompani në rrugën e fshatit Prush më 10 shkurt 2026.
Shërbimet e Komisariatit të Policisë Nr. 6 organizuan punën për lokalizimin dhe kapjen e tij menjëherë pas dhunës ndaj mjekut.
Policia po punon për zbardhjen dhe dokumentimin e të gjitha veprimtarive kriminale ku mund të jetë i përfshirë Halili. Materialet procedurale iu referuan Prokurorisë së Tiranës për veprime të mëtejshme.