Policia e Tiranës arrestoi shtetasen Rozita Sopoti, 26 vjeçe, pas finalizimit të operacionit të koduar Intervali. Arrestimi u bë nga shërbimet e Komisariatit Nr. 2, pas denoncimeve të qytetarëve për vjedhje prone.
Nga hetimet rezulton se Rozita Sopoti kishte kryer më parë vjedhje dhe vuante masën e sigurisë arrest shtëpie për të njëjtën vepër penale. Dyshohet se ajo ka kryer:
- më 7 shkurt 2026, vjedhje me dhunë në një subjekt;
- më 20 shkurt 2026, vjedhje me dhunë një shumë parash një shtetasi;
- më 3 janar 2026, vjedhje në një subjekt.
Hetimi vijon për zbardhjen e vjedhjeve të tjera të mundshme nga kjo shtetase. Materialet procedurale iu referuan Prokurorisë së Tiranës për veprime të mëtejshme.