Policia e Fierit zhvilloi operacionin e koduar Arratia, duke lokalizuar dhe arrestuar një shtetas të shpallur në kërkim.
Në fshatin Pluk të Lushnjës u kap Andi Bakiasi, 38 vjeç, banues në Lushnjë. Ky shtetas ishte dënuar nga Gjykata e Apelit Tiranë me 4 vite e 8 muaj burgim për veprimtarinë kriminale të shitjes së lëndëve narkotike.
Veprimtaria e tij u godit më herët gjatë operacionit të koduar Tempulli, të zhvilluar në vitin 2024.
Specialistët e Sektorit për Hetimin e Narkotikëve, në bashkëpunim me shërbimet e Forcës së Posaçme Operacionale të Drejtorisë Vendore të Policisë Fier, kryen operacionin për kapjen e personave të kërkuar nga drejtësia.
Materialet procedurale i janë referuar Prokurorisë së Fierit për vijimin e veprimeve të mëtejshme ligjore.