Frans Begaj, 31 vjeç, banues në Fier, është arrestuar nga Drejtoria Vendore e Policisë Fier pasi dyshohet se shpërndante kanabis të ndarë në doza në qytet.
Operacioni policor i koduar Target u ndoq për 6 muaj me metoda proaktive hetimi nga Sektori për Hetimin e Narkotikëve, në bashkëpunim me Prokurorinë dhe Forcën e Posaçme Operacionale. Pas informacioneve të siguruara, policia e lokalizoi dhe e vuri në pranga të arrestuarin.
Gjatë kontrollit fizik dhe të banesës iu gjetën dhe iu sekuestruan doza kanabisi të përgatitura për shitje. Të arrestuarit i siguronin lëndën narkotike, e ndante në doza dhe e shpërndante në zona të ndryshme të qytetit.
Bazuar në provat e siguruara nga hetimi, Gjykata e Fierit caktoi masën e sigurisë arrest me burg për veprën penale Prodhimi dhe shitja e narkotikëve. Materialet procedurale i janë referuar Prokurorisë së Fierit për veprime të mëtejshme.