Hamza Muho, 49 vjeç, banues në Patos, është vënë në pranga nga policia e Fierit për shpërndarje lëndësh narkotike.
Specialistët për Hetimin e Narkotikëve të DVP Fier, në bashkëpunim me Komisariatin e Policisë Fier, e kanë kapur në flagrancë në një lokal në Patos me doza kanabisi gati për shitje. Kjo ndodhi në kuadër të operacionit të koduar "New Start 3", për goditjen e shitjes së lëndëve narkotike.
Gjatë kontrollit në banesën e të arrestuarit u gjet një sasi tjetër lënde narkotike kanabis, e poseduar me qëllim shpërndarjen në doza. Lënda narkotike dhe celulari i tij u sekuestruan si prova materiale.
Materialet procedurale iu referuan Prokurorisë së Fierit për veprime të mëtejshme.