Policia e Kosovës arrestoi në Prishtinë një person të kërkuar nga organet e drejtësisë. Ngjarja ndodhi mbrëmjen e së enjtes, pas veprimeve hetimore dhe operative të zhvilluara nga zyrtarët e Stacionit Policor Qendra.
Personi i identifikuar me inicialet I.Q., 40 vjeç, ishte dënuar me tre vjet burgim për veprat penale «mbajtje në pronësi, kontroll apo posedim të paautorizuar të armëve», «asgjësim apo dëmtim i pasurisë» dhe «lëndim i lehtë trupor».
Pas arrestimit, i njëjti u dërgua në vuajtje të dënimit sipas vendimit të gjykatës.