Shërbimet e Komisariatit të Policisë Nr. 3 në Tiranë arrestuan shtetasin S. Rr., 23 vjeç, banues në Tiranë. Ai ishte shpallur në kërkim prej gati një viti në kuadër të operacionit Fast Reaction.
Ngjarja lidhet me 24 qershor 2025, kur gjatë një konflikti për motive të dobëta, S. Rr. së bashku me vëllain e tij E. Rr., i cili mbetet në kërkim, goditën me qytën e pistoletës shtetasit Y. C. dhe O. C., vëllezër. Pas kësaj, ata qëlluan me armë zjarri në drejtim të tyre, pa shkaktuar lëndime.
Arrestimi u bë i mundur falë punës intensive të policisë dhe informacioneve të siguruara në rrugë operative. Materialet procedurale iu referuan Prokurorisë për veprime të mëtejshme. Policia vazhdon punën për kapjen e E. Rr..