Shërbimet e Komisariatit të Policisë Nr. 5 kanë organizuar dhe finalizuar operacionin policor të koduar “Details”, në vijim të punës për zbardhjen e konfliktit të ndodhur më 17 prill 2026, në ambientet e jashtme të një lokali në pronësi të shtetasit Xh. D., në Kamëz të Tiranës.
Si rezultat, u identifikua, u kap dhe u vu në pranga shtetasi A. H., 23 vjeç, banues në Tiranë. Nga hetimet dyshohet se gjatë konfliktit, në të cilin janë përfshirë 6 shtetas, A. H. ka qëlluar me armë zjarri në ajër për të kanosur njërin nga shtetasit e përfshirë dhe një shtetas tjetër që ka tentuar të ndërhyjë. Nga të shtënat nuk ka pasur të dëmtuar.
Po punohet për kapjen e 5 shtetasve në kërkim dhe gjetjen e armës së zjarrit:
- R. S.
- R. S.
- F. Gj.
- D. D.
- R. Gj.
Pronari i lokalit Xh. D. është vënë nën hetim për moskallëzim të krimit. Materialet procedurale iu referuan Prokurorisë së Tiranës për veprime të mëtejshme.