Policia e Tiranës arrestoi në flagrancë shtetasin K. Lloci, 33 vjeç, banues në Tiranë, pasi lëvizte i armatosur te rrethrrotullimi i Astirit në orët e para të 5 marsit 2026.
Në bazë të informacioneve të siguruara në rrugë operative për një shtetas që lëvizte i armatosur në zonën e Astirit, shërbimet e Komisariatit të Policisë Nr. 6 organizuan menjëherë veprimet për lokalizimin dhe kapjen e tij.
Si rezultat i këtyre veprimeve të shpejta, në kuadër të operacionit policor të koduar "On Time", u kap K. Lloci duke mbartur armë zjarri të llojit pistoletë me municion luftarak.
Sekestrohet arma e zjarrit bashkë me municionin.
Në bashkëpunim me Prokurorinë, vijon puna për zbardhjen e qëllimit të lëvizjes me armë dhe dokumentimin e plotë ligjor të rastit. Materialet procedurale iu referuan Prokurorisë së Tiranës për veprime të mëtejshme.
Përditësime
Shqiptarja.com identifikon të arrestuarin K. Lloci si Kristan Lloci.