Policia e Tiranës finalizoi operacionin e koduar "Hidden", duke arrestuar në flagrancë shtetasin I. D., 33 vjeç.
33-vjeçari kishte fshehur në banesën e tij, në rrugën "Perlat Rexhepi", një armë zjarri kallashnikov, të cilën e kishte pa leje. Policia sekuestroi armën.
Operacioni u zhvillua në kuadër të kontrolleve dhe punës operacionale me intensitet të shtuar, 24 orë në 24 orë, në të gjithë territorin e kryeqytetit, për identifikimin dhe vënien në pranga të shtetasve që cenojnë sigurinë publike duke mbajtur ose fshehur armë zjarri pa leje.
Shërbimet e Komisariatit të Policisë Nr. 2 kryen këto veprime. Materialet procedurale iu referuan Prokurorisë së Tiranës për veprime të mëtejshme.