Policia e Tiranës finalizoi operacionin e koduar Dark Trade, duke arrestuar në flagrancë Eriglen Hasani (E. H.), 25 vjeç, banues në Kurbin.
Arrestimi ndodhi gjatë kontrolleve në aksin rrugor Pezë Helmës – Ndroq, ku 25-vjeçari u ndalua teksa lëvizte me automjet dhe dyshohet se po tentonte të shiste një armë zjarri tip kallashnikov me municion luftarak.
Nga kontrolli në mjet u gjet dhe u sekuestrua arma bashkë me municionin si provë materiale.
Nga veprimet hetimore u identifikua bashkëpunëtori i tij, shtetasi F. C., 19 vjeç, banues në fshatin Pezë, i cili u shpall në kërkim.
Policia vijon punën intensive për lokalizimin dhe kapjen e tij.
Operacioni u krye nga specialistët e Seksionit për Hetimin e Trafiqeve, me synim parandalimin e ngjarjeve kriminale dhe goditjen e tentativave për shitje arme zjarri.
Materialet procedurale iu referuan Prokurorisë së Tiranës për veprime të mëtejshme.