Policia e Kosovës arrestoi më 12 janar 2026 një shtetas kosovar të kërkuar nga INTERPOL me urdhërarrest ndërkombëtar të lëshuar nga Republika e Shqipërisë.
Arrestimi u krye nga Drejtoria për Bashkëpunim Ndërkombëtar Policor në bashkëpunim me Stacionin Policor-Malishevë. I dyshuari ishte në kërkim për vepra penale të rënda, sipas Kodit Penal të Republikës së Shqipërisë.
Akuzat përfshijnë trafikim të narkotikëve të kryer në formën e veçantë të bashkëpunimit të grupit të strukturuar kriminal, futjen ose mbajtjen e sendeve të ndaluara në institucionin e ekzekutimit të vendimeve penale, si dhe kryerjen e veprave penale nga organizata kriminale dhe grupi i strukturuar kriminal.
Me urdhër të prokurorit kujdestar, i dyshuari dërgohet në ndalim policor për 48 orë, për të vazhduar më pas me procedurat ligjore përkatëse.
Përditësime
Policia e Shtetit e identifikoi të arrestuarin si Elmi Thaçi nga Malisheva, Kosovë.