Arsenali ka dërguar një përfaqësues në San Siro të shtunën për të ndjekur nga afër përballjen mes Interit dhe Juventusit, duke u përqendruar te sulmuesi i ri Francesco Pio Esposito.
Sulmuesi i lindur në vitin 2005 konsiderohet një nga asetet më të rëndësishme për të ardhmen e Interit. Brenda klubit zikaltër ai shihet si pjesë kyçe e projektit afatgjatë.
Drejtuesit e Interit kanë nisur punën për një zgjatje kontrate që do ta mbajë lojtarin të lidhur me klubin deri në vitin 2031. Interesi i Arsenalit vlerësohet si serioz, ndërsa monitorimi i lojtarit ka qenë i vazhdueshëm.
Interi nuk ka ndërmend ta lejojë largimin e Espositos me lehtësi, sidomos në një kohë kur vëmendja nga klubet elitare evropiane është në rritje. Zikaltërit janë të vendosur të sigurojnë të ardhmen e tij dhe ta mbrojnë nga ofertat e mundshme në afatin kalimtar veror.