Andrey Arshavin, zëvendësdrejtori i përgjithshëm për zhvillimin e sportit te skuadra e Zenit St. Petersburg dhe legjenda e futbollit rus, ka folur të premten për dy sulmues në një intervistë për mediumin rus Sport-Express.
Njëri prej tyre është sulmuesi i kombëtares shqiptare dhe i Rubin Kazan, Mirlind Daku. Arshavin ka thënë se do ta dëshironte Dakun në skuadër, duke e krahasuar me sulmuesin e Dynamo Moskva, Konstantin Tyukavin.
Ai ka theksuar se blerja e Tyukavinit është thuajse e pamundur, ndërsa transferimi i Dakut do të ishte më i lehtë. "Tyukavin do të ishte ndihmë e madhe për Zenitin. Është thuajse e pamundur ta transferojmë atë nga Dynamo. Do të ishte më lehtë për Dakun, mendoj unë", ka deklaruar Arshavin.
Daku në këtë edicion të kampionatit rus ka shënuar 9 gola në 17 ndeshje. Së fundmi, ai është ballafaquar me lëndime.