Administrata Tatimore e Kosovës (ATK) ka njoftuar se performanca e mbledhjes së të hyrave tatimore ka vazhduar trendin pozitiv edhe gjatë pesëmujorit të parë të vitit 2026. Sipas njoftimit zyrtar, për periudhën janar-maj, janë mbledhur gjithsej 517.4 milionë euro.
Sipas ATK-së, kjo rritje është arritur falë disa faktorëve kyç, si:
• Intensifikimi i aktiviteteve operative në terren;
• Zgjerimi i e-shërbimeve tatimore;
• Përdorimi i mekanizmave për luftimin e ekonomisë joformale;
• Ngritja e përgjegjshmërisë brenda institucionit.
Krahasuar me periudhën e njëjtë të vitit 2025, të hyrat tatimore shënojnë një rritje prej 57 milionë eurosh, ose 12.4% më shumë, duke konfirmuar një ecuri të qëndrueshme financiare për buxhetin e shtetit.