Një automjet u përfshi nga flakët dhe u djeg totalisht në parkimin e teqesë së fshatit Kreshovë në Kolonjë, më 30 mars 2026.
Drejtuesi i mjetit deklaroi se kishte hyrë në ambientet e teqesë për të ndezur një qiri, ndërsa në atë moment automjeti u përfshi papritur nga zjarri. Burimet paraprake e cilësojnë ngjarjen si aksidentale, por policia po heton për të sqaruar rrethanat e plota dhe për të verifikuar nëse ka pasur shkelje të sigurisë.
Shërbimi zjarrfikës mbërriti shpejt në vendngjarje dhe arriti të shuante zjarin, duke parandaluar përhapjen e tij drejt automjeteve të tjera ose objekteve përreth. Kjo ndërhyrje shmangiu panikun tek banorët e zonës.
Policia po kryen veprimet procedurale për zbardhjen e plotë të ngjarjes. Nuk raportohet për të lënduar.